Мэдээллээ устгуулах

КАДР бүртгэл, түүнд холбогдсон үзэлтийн мэдээлэл эсвэл Messenger туслахад хамаарах мэдээллээ устгуулах хүсэлт гаргаж болно.

1. Kadrfilm Facebook хуудас руу Messenger-ээр «Мэдээлэл устгуулах» гэж бичнэ.
2. КАДР-ын бүртгэлээ устгуулах бол бүртгэлтэй утас эсвэл имэйлээ, зөвхөн чатботын мэдээлэл устгуулах бол «Messenger туслахын мэдээлэл» гэж тодруулна. Боломжтой бол өмнө харилцсан Facebook бүртгэлээсээ хүсэлтээ явуулна.
3. Админ хүсэлт хэнийх болохыг нягталж, юу устах болон захиалга, үзэх эрхэд ямар нөлөөтэйг тайлбарлан хариу өгнө. Хүсэлт шийдэгдсэн эсвэл хадгалах шаардлагатай мэдээлэл үлдвэл шалтгааныг нь мэдэгдэнэ.

Нууц үг, банкны код, картын бүтэн дугаар бүү явуулаарай. Энэ нь гараар хянадаг хүсэлт тул товч дараад шууд устах үйлчилгээ биш.

Хүсэлтэд юу хамрагдах вэ

Шалгаж баталгаажуулсны дараа холбогдох бүртгэл, хэмжилтийн мэдээлэл, Messenger туслахын хадгалсан тэмдэглэлийг хүсэлтийн хүрээнд устгах эсвэл хувийн холбоосыг салгана. Төлбөрийн маргаан, хуульд заасан хадгалалтын шаардлага байвал холбогдох мэдээллийг бүхэлд нь устгах боломжгүй байж болно. Хамааралгүй бусад хүний мэдээллийг устгахгүй.

Facebook эсвэл Manychat дахь харилцаагаа мөн устгуулахыг хүсвэл хүсэлтдээ бичээрэй. Facebook апп дотор өөрийн хуулбар чатыг устгах нь КАДР-ын талын бүх мэдээллийг автоматаар устгахгүй. Meta, Manychat дахь тусдаа бүртгэлийн асуудалд тухайн үйлчилгээний өөрийн тохиргоо, хүсэлтийн сувгийг ашиглана.